MUKERARUGENDO Admin – MUKERARUGENDO

Jan182026 by MUKERARUGENDO AdminNo Comments

Rayon Sport yongeye kunyagirwa bine, irushaho kwerekeza ahabi

Imikino

Ku wa gatandatu tariki 17 Mutarama 2026 ikipe ya Rayon Sport yongeye gutsindwa nk’idahari mu mukino wa shampiyona y’umupira w’amaguru mu kiciro cya mbere mu Rwanda. Yanyagiwe na Al Hilal yo muri Sudani ibitego bine ku busa. Muri uyu mukino wabereye kuri Sitade Amahoro i Remera, Bruno Ferry umutoza mushya wa Rayon Sport n’abakinnyi be biganjemo abashya yongeye guhabwa isomo rya ruhago nk’uko biherutse kumugendekera mu mukino wo guhatanira igikombe kiruta ibindi mu Rwanda (Super Cup). Icyo gihe yambitswe ubusa na mukeba wayo APR FC itsindwa ibitego bine kuri kimwe. Kwinjizwa ibitego 8 mu mikino ibiri ni ikimenyetso cy’uko Rayon Sport irangaye mu bwugarizi bwayo. Ubusatirizi bw’iyi kipe na bwo buragaragaza intege ke kuko yinjije igitego 1 rukumbi mu mikino ibiri ikurikirana. ...

Jan82026 by MUKERARUGENDO AdminNo Comments

Yishyuye akayabo nyuma yo kurumwa n’inguge

Ibyiza nyaburanga

Umufaransakazi Julie Rebuzzi wari uri mu biruhuko muri Indoneziya yarumwe n’inguge biba ngombwa ko atanga 2000 by’Amayero yo kugura urukingo rw’indwara y’ibisazi byaterwa n’igikomere. Uyu mukerarugendo w’imyaka 32 ubwo yari arimo gusura icyanya k’inyamaswa cy’ahitwa Ubud, inguge yashatse gukora mu gakapu ke, mu gihe arimo kuyirwanya ayitesha ngo itamwiba, inguge ihIta imuruma. Yihutiye kujya kwa muganga bamutegeka guhabwa dose 4 z’urukingo mu rwego rwo kumurinda indwaa y’ibisazi byaterwa no kurumwa n’inguge. Ubwo buvuzi bwose bwamutwaye Amayero 2000. Julie Rebuzzi byabaye ngombwa ko yishyura andi mafaranga atateganyijwe mu gihe nyamara iyo yikingiza mbere y’uko ahaguruka mu Bufaransa yerekeza muri Indoneziya ubwishingizi bwari kumwishyurira ikiguzi cyose cy’urwo rukingo. Jean ...

Jan62026 by MUKERARUGENDO AdminNo Comments

Ibiciro byo gusura ingagi byagabanyijwe

Ibyiza nyaburanga

Ku wa mbere tariki ya 5 Mutarama 2026, hatangajwe ibiciro bishya byo gusura ingagi muri uyu mwaka. Itangazo ryashyizwe ahagaragara n’Urwego rw’Igihugu rw’Iterambere (RDB) rivuga ko Abanyarwanda n’abaturage bo mu bihugu bigize Umuryango w’Afurika y’U Burasirazuba bazajya bishyura Amadolari 200 y’Amerika kugira ngo bashobore gusura ingagi zo muri Pariki y’Ibirunga. Aba bazajya basabwa kwerekana indangamuntu, pasiporo cyangwa ikemezo cy’amavuko. Abandi Banyafurika cyangwa abatuye mu bihugu bisigaye byo kuri uyu mugabane bazishyira Amadolari 500 y’Amerika. Abo muri iki kiciro bazajya basabwa indangamuntu, pasiporo, ikarita y’umudipolomate cyangwa visa imara nibura amezi ane. RDB isobanura ko iri gabanywa ry’ibiciro ku bifuza gusura ingagi zo mu Rwanda riri mu mugambi wo kurush...

Dec62025 by MUKERARUGENDO AdminNo Comments

Kiliziya Gatolika y’u Rwanda irishimira intambwe mu bukirisitu

Ayandi

Ku wa gatandatu tariki 6 Ukuboza 2025 kuri Sitade Amahoro i Remera habereye umuhango wo gusoza Yubile y’Impurirane muri Kiliziya Gatolika y’u Rwanda. Uyu muhango waranzwe n’umutambagiro w’Abihaye Imana, Igitambo cy’Ukarisitiya n’ubutumwa bw’abantu bo mu nzego zinyuranye. Inyigisho yo mu gitambo cya misa yatanzwe na Musenyeri Vincent Harorimana Umushumba wa Diyosezi ya Ruhengeri. Yavuze ko Yubile ari igihe k’imbabazi, igihe kidasanzwe cyo kubohorwa kw’Abakirisitu no kunga ubumwe. Yongeye kwibutsa ko Imana idukunda byahebuje. Muri uyu muhango wo gusoza Yubile y’imyaka 2025 Jambo yigize umuntu akaza gucungura isi ndetse n’imyaka 125 inkuru nziza igeze mu Rwanda, umushyitsi mukuru yari Minisitiri w’Intebe Justin Nsengiyumva. Yashimiye uruhare rwa Kiliziya Gatolika mu bikorwa b...

Dec62025 by MUKERARUGENDO AdminNo Comments

U Rwanda rwaserutse neza mu ihuriro ry’ubukerarugendo rya Cannes

Ibyiza nyaburanga, Travel

Kuva ku itariki ya 1 kugeza ku ya 4 Ukuboza 2025 intumwa z’u Rwanda zitabiriye ihuriro mpuzamahanga ry’abakora mu bukerarugendo bwo mu rwego rwo hejuru ILTM mu mujyi wa Cannes mu Bufaransa. Iri huriro ngarukamwaka rihuza abantu baturutse hirya no hino ku isi bategura ingendo n’ibindi bikorwa ba Mukerarugendo bakenera (Tour Operators). ILTM ni amagambo y’impine ya International Luxury Travel Market mu rurimi rw’Icyongereza; mu Gifaransa ni Marché International du Voyage de Luxe. Abaharagariye u Rwanda na bo bitabiriye uwo mubonano barimo intumwa z’Urwego rw’Igihugu rw’Iterambere mu rwanda RDB, ba rwiyemezamirimo b’Abanyarwanda bashoye imari mu gutegura ingendo ndetse n’abahagarariye Ambassade y’u Rwanda mu Bufaransa. Babonye umwanya wo kugaragaza intambwe ikomeye u Rwanda r...

Oct202025 by MUKERARUGENDO AdminNo Comments

Perezida w’u Rwanda n’uwa Senegali bakoze siporo rusange

Imikino, Uncategorized

Ku cyumweru tariki 19 Ukwakira 2025 Perezida w’u Rwanda Paul Kagame na Perezida Bassirou Diomaye Faye wa Senegali bakoze siporo muri gahunda ya Car Free Day. Amakuru aturuka mu biro bya Perezida wa Senegali avuga ko Diomaye Faye yatumiwe n’inzego za Leta y’u Rwanda kugira ngo yifatanye na Perezida Kagame muri iki gikorwa cya siporo gitegurwa kabiri mu kwezi, abayobozi na bamwe mu baturage bakagihuriramo. Perezida Diomaye Faye wari uri mu ruzinduko rw’iminsi itatu mu Rwanda yanyujije ubutumwa ku mbuga nkoranyambaga ze agaragaza ko urugendo we n’itsinda rye bagiriye mu Rwanda rwagize umumaro mu mikoranire y’ibihugu byombi. Ati “Uruzinduko rwanjye mu Rwanda rwasojwe n’ikimenyetso cy’ubumwe n’ubufatanye. Ndashimira Perezida Paul Kagame, guverinoma ye n’abaturage bo mu Rwanda batwa...

Jun262025 by MUKERARUGENDO AdminNo Comments

Ruracyageretse hagati ya Patriotes n’APR Basketball Club muri kimwe cya kabiri k’irangiza

Imikino

Mu ijoro ryo ku itariki ya 25 Kamena 2025 mu nzu y’imikino ya BK Arena i Remera, ikipe ya Patriotes Basketball Club yatsinze APR Basketball Club mu mukino wa 3 wa kamarampaka (playoffs) muri kimwe cya kabiri k’irangiza. Uyu mukino warangiye Patriotes Basketball Club itsinze amanota 65 kuri 59 y’APR Basketball Club. Iyi yabaye intsinzi ya kabiri ya Patriotes ku ntsinzi imwe y’APR nyuma y’imikino 3 imaze kubahuza kuri iyi ntera yo gutanguranwa imikino 3 muri 5 iteganyijwe muri kimwe cya kabiri k’irangiza. Umukino wa kane w’uru rugamba uteganyijwe ku wa gatanu tariki 27 Kamena 2025 guhera i saa moya z’umugoroba. Patriotes Basketball Club nitsinda uyu mukino wo ku wa gatanu izaba ibonye uburenganzira kwo gukina imikino ya nyuma ya playoff na ho APR Basketball club niramuka itsinze bi...

Jun262025 by MUKERARUGENDO AdminNo Comments

Umuganga w’imyaka 102 yasobanuye amabanga yo kuramba kwe

Ayandi

Howard Tucker umuganga w’Umunyamerika w’inzobere mu buvuzi bw’imyakura (neurologue) yahishuye ibintu byamufashije kubaho igihe kirekire na n’ubu akaba akiri injege ku myaka 102. Uyu mukambwe ufatwa nk’umuganga ukuze kurusha abandi ukiri mu kazi ke yatangarije ikinyamakuru National Geographic ko ipfundo nyamukuru ryo kurama kwe ari uko atigeze afata ikiruhuko k’izabukuru. Ati “kujya mu kiruhuko k’izabukuru ni ibintu bibi cyane. Byangiza umuzima bw’umuntu haba ku mubiri haba no mu mitekerereze.” Tucker yongeraho ko yirinze itabi, urwango n’inzika ngo kuko na byo ari umwanzi w’ubuzima buzira umuze. Uyu muganga avuga ko yitondera imirire ye cyane. Yirinda ibyo kurya birimo isukari nyinshi n’amavuta menshi. Gusa ngo ntabwo aheza inguni cyane. Ati “nditonda mu byo kurya no kunywa ariko...

Jun262025 by MUKERARUGENDO AdminNo Comments

REG Basketball Club yabonye itike yo gukina imikino ya nyuma muri playoffs

Imikino

Ku wa gatatu tariki 25 Kamena 2025 ikipe ya REG Basketball Club yatsinze United Generation Basketball Club (UGB) mu mukino wa gatatu wabahuje muri kimwe cya kabiri k’irangiza mu mikino ya kamarampaka (playoffs). Uyu mukino wabereye mu nzu y’imikino n’imyidagaduro ya BK Arena i Remera warangiye REG Basketball Club itsinze UGB amanota 89 kuri 81. Byatumye imikino ya kimwe cya kabiri hagati y’aya makipe abiri ihita ihagararira aho kuko REG Basketball Club yari imaze gutsinda imikino itatu yikurikiranya. Olivier Shyaka, Thomas Cleverland, Jean Jacques Boissy na bagenzi babo ba REG Basketball Club bahise bibonera itike y’imikino ya final muri uru rugamba rwa playoffs bakaba bategereje ikipe bazahura izaturuka hagati ya APR Basketball club na Patriots Basketball Club. Muri iyi mikino y...

Jun262025 by MUKERARUGENDO AdminNo Comments

Rwandair ku isonga mu makompanyi y’indege muri Afurika

Travel

Mu bihembo mpuzamahanga bihabwa ibigo by’ubwikorezi bwo mu kirere, kompanyi Rwandair yahembwe nka sosiyete yahize izindi ku mugabane w’Afurika muri uyu mwaka wa 2025. Ikigo Skytrax gikora ubushakashatsi burebana n’ingendo z’indege ni cyo cyahaye Rwandair iki gihembo i Paris mu Bufaransa. Ubuyobozi bw’iyi kompanyi nyarwanda bwanditse ubutumwa ku rukuta rwabwo rwa X bwo kwishimira iki gihembo. Bati “Twishimiye iki gihembo, kandi dutewe ishema n’uko abagenzi bacu bakomeje kutugirira ikizere.” Umuyobozi wa Skytrax Edward Plaistedyavuze ko Rwandair ifite umwihariko mu gutanga serivisi inoze. Ati “Rwandair igaragaza ikinyuranyo mu kunoza serivisi. Ni intangarugero mu gukora kinyamwuga ku buryo andi makompanyi yo mu karere arimo kuyifatiraho urugero”. Ingendo za Rwandair zigana ...