Tuesday, April 23
Shadow

BAL 2023: Al Ahly ni yo yatwaye igikombe

Ikipe y’Al Ahly yo mu Misiri ni yo yegukanye igikombe cy’irushanwa rya Basketball Africa League 2023 ryari rimaze icyumweru ribera muri BK Arena i Remera.

 

Mu mukino wa nyuma wabaye ku wa gatandatu tariki 27 Gicurasi 2023 Al Ahly yatsinze mu buryo bworoshye AS Douanes yo muri Senegali amanota 80 kuri 65. Anunwa Omot wa Al Alhy yatowe nk’umukinnyi mwiza w’irushanwa Most Valuable Player (MVP).

Mu mukino wo guhatanira umwanya wa gatatu wabaye ku wa gatanu ku itariki ya 26 Gicurasi 2023 ikipe ya Stade Malien yo muri Mali yatsinze Petro de Luanda yo muri Angola amanota 73 kuri 65.

Ikipe y’Al Ahly
MVP yabaye Omot Anunwa

Ikipe ya Rwanda Energy Group yari ihagarariye u Rwanda yasezerewe muri kimwe cya kane k’irangiza ikuwemo na Al Ahly. Byabaye ku nshuro ya kabiri iyi kipe y’Ikigo k’Ingufu mu Rwanda iviramo kuri iyo ntera, dore ko no mu mwaka ushize wa 2022 na bwo yasezerewe na Forces Armées et Police yo muri Kameruni muri kimwe cya kane k’irangiza.

Jean Claude MUNYANDINDA

Leave a Reply

Your email address will not be published. Required fields are marked *