Mu museso wo ku wa kabiri tariki ya 7 Werurwe 2023 ikipe ya REG Basketball yahagurutse i Kigali yerekeza i Dakar muri Senegali ahazabera imikino yo mu itsinda rya Sahara mu irushanwa rya Basketball Africa League 2023.
Muri iyi mikino izatangira ku itariki ya 11 ikarangira ku ya 21 Werurwe 2023 mu nzu y’imikino ya Dakar Arena, ikipe y’Ikigo Gishinzwe Ibirebana n’Ingufu mu Rwanda izaba iri kumwe na Kwara Falcons yo muri Nijeriya, Abidjan Basketball Club Fighters yo muri Kote Divuwari, AS Douanes yo muri Senegali, Stade Malien yo muri Mali na US Monastir yo muri Tuniziya ari na yo yegukanye igikombe cya BAL 2022.
Umutoza wa REG Basketball Club Dean Murray wungirijwe na Maxime Marius Mwiseneza yahagurukanye abakinnyi 12 baziyongeraho umukinnyi ukiri muto wazamukiye mu irerero rya NBA muri Afurika. Uwo mukinnyi urimo kuzamuka ni Ulrich Chomche w’Umunyakameruni.
Uru ni urutonde rw’abakinnyi REG Basketball Club yahagurukanye:
1.NSHOBOZWABYOSENUMUKIZA Jean Jacques Wilson
2.SHYAKA Olivier
3.NIYONKURU Pascal
4.HABIMANA Ntore
5.HAGUMINTWARI Steven
6.NDIZEYE NDAYISABA Dieudonné
7.MUHIZI Prince
8.UMUHOZA Jean de Dieu
9.FILER Adonis
10.MANGA Pitchou Kambuy
11.CLEVELAND Thomas
12.DELWAN Graham
Amakipe azarangiza mu myanya ine ya mbere mu mikino yo mu itsinda azahita abona itike yo kuzakina imikino ya kamarampaka izabera mu Rwanda kuva ku itariki ya 21 kugeza ku ya 27 Girurasi 2023.
Jean Claude MUNYANDINDA