Monday, June 24
Shadow

BAL 2023: Ikipe ya REG yatsinze umukino wayo wa kabiri

Mu ijoro ryo ku wa kabiri tariki 14 Werurwe 2023 ikipe ya REB Basketball Club ihagarariye u Rwanda mu irushanwa rya Basketball Africa League yabonye intsinzi yayo ya kabiri.

Mu mukino utarayoroheye wayihuje na Abidjan Basketball Club Fighters yo muri Kote Divuwari, ikipe y’Ikigo Gishinzwe Ingufu mu Rwanda yatsinze amanota 80 kuri 73.

ABC Fighters yari yakomeje kugenda imbere ya REG mu manota mu duce tubiri tubanza tw’umukino ariko abasore nka Adonis Filer, Thomas Cleveland, Ulrich Kamka Chomche, Delwan Graham na bagenzi babo bagaragaza ubunararibonye batsimbura Abdoulaye Harouna, Chistopher Obekpa na bagenzi babo ba ABC Fighters bayobowe n’umutoza w’Umunyaaustraliyakazi Liz Mills, ifirimbi ya nyuma ivuga babarusha amanota 7.

Muri uyu mukino, Adonis Filer wa REG Basketball Club yatsinze amanota 25. Iyi kipe irakina umukino wayo wa gatatu mu itsinda ryayo rya Sahara kuri uyu wa gatatu tariki 15 Werurwe 2023 ukaza kuyihuza na AS Douanes yo muri Senegali iba irimo gukinira mu rugo. Uyu mukino uteganyijwe gutangira i saa tatu n’igice zijoro ku isaha yo mu Rwanda. Mu mukino wayo wa mbere ikipe ya REG Basketball Club itozwa n’Umunyamerika Dean Murray yatsinze Kwara Falcons yo muri Nijeriya amanota 64 kuri 48.

Jean Claude MUNYANDINDA

Leave a Reply

Your email address will not be published. Required fields are marked *