Wednesday, April 24
Shadow

Ikipe ya Etoile de l’Est yirukanye abatoza bayo

Inkundura yo kwirukana abatoza irakomeje mu makipe yo muri shampiyona y’ikiciro cya mbere mu Rwanda. Ku wa gatandatu tariki tariki 28 Ukwakira 2023 ubuyobozi bw’ikipe ya Etoile de l’Est yo mu Ntara y’i Burasirazuba bwatangaje ko bwatandukanye n’abari abatoza bayo, umutoza mukuru n’umutoza wungirije.

Maurice Nshimiyimana uzwi nka Maso wari umutoza mukuru na Karim Habimana bavuye muri Etoile de l’Est nyuma y’umukino batsinzwemo na Kiyovu Sport ibitego 6 kuri kuri 1 ku wa gatanu tariki ya 27 Ukwakira 2023 kuri Stade yitiriwe Pélé i Nyamirambo mu mukino w’umunsi wa 9 wa shampiyona. Ibi byatumye iyi kipe ikomeza kumanuka ku rutonde rw’gateganyo, aho iri ku mwanya wa 14 n’amanota 7.

Abayobozi ba Etoile de l’Est bemeza ko umwanzuro wo gutandukana n’abatoza bayo wavuye mu biganiro byabaye hayuma impande zombi ziwumvikanaho basezeranaho mu mahoro.

Maurice Nshimiyimana abaye umutoza wa gatatu utandukanye n’ikipe ye kuva shampiyona y’uyu mwaka itangiye nyuma ya Yamen Zelfani wahoze muri Rayon Sport na Hassan Muhire wasezerewe mu ikipe ya Sunrise.

Jean Claude MUNYANDINDA

Leave a Reply

Your email address will not be published. Required fields are marked *