Tuesday, April 23
Shadow

APR Basketball Club yasoje urugendo yagiriraga muri Qatar

Mu rwego rwo kurushaho kwitegura irushanwa rya Basketball Africa League 2024, ikipe y’APR Basketball Club yagiriye muri Qatar uruzinduko rw’umwiherero rwamaze iminsi 10.

Iyi kipe yakoze imyitozo ndetse iboneraho gukina imikino 5 ya gicuti yo kwipima. Iyo mikino yayihuje n’amakipe atanu yo muri Qatar. APR Basketball Clu yatsinze iyi mikino yose uko ari itanu mu buryo bukurikira:

Tariki ya 23 Gashyantare 2024: APR Basketball Club – Al Wakram 108 – 80                                              Tariki ya 24 Gashyantare 2024: APR Basketball Club – Al Rayyan 84 – 77                                                  Tariki ya 25 Gashyantare 2024: APR Basketball Club  – Al Wakram 110 – 77                                              Tariki ya 27 Gashyantare 2024: APR Basketball Club – Al Rayyan 99 – 79                                                  Tariki ya 28 Gashyantare 2024: APR Basketball Club – Al Arabi 100 – 65

Abakinnyi b’ikipe y’abasirikare b’u Rwanda bemeza ko ikipe yabo yashyize imbaraga nyinshi mu kwitegura Basketball Africa League 2024 kandi ko abakinnyi bashyize hamwe bakaba biteguye kwitwara neza.

APR Basketball Club yamaze kugaruka i Kigali iherereye mu itsinda rya Sahara rigizwe n’amakipe azakinira i Dakar muri Senegali. Iri kumwe na AS Douanes yo muri Senegali, US Monastir yo muri Tuniziya na Rivers Hoopers yo muri Nijeriya. Imikino yo muri iri tsinda iteganyijwe kuva ku itariki ya 4 kugeza ku ya 12 Gicurasi 2024.

Jean Claude MUNYANDINDA                                            

Leave a Reply

Your email address will not be published. Required fields are marked *