Ibyiza nyaburanga

Nyuma y’aho Perezida wa Leta Zunze Ubumwe z’Amerika agiriye ku butegesti muri manda ye ya kabiri, umubare wa ba mukerarugendo berekeza muri icyo gihugu ukomeje kubabanuka ku muvuduko wo hejuru. Nyuma y’ibyumweru bike Perezida Trump arahiye, abasura iki gihugu babaye bake bitewe n’impinduka uyu muyobozi yazanye. Impuguke mu birebana n’ubukerarugendo ziteganya ko ba mukerarugendo binjira muri Amerika bazagabanuka ku kigero cya 5,1% muri uyu mwaka wa 2025 kandi iryo gabanuka ngo ryaratangiye. Ibi bibaye mu gihe ubusanzwe byari biteganyijwe ko abasura Amerika bagombaga kwiyongera ku kigero cya 8,8% nk’uko byatangajwe muri raporo y’ikigo kitwa Tourism Economics yasohotse mu mpera za Gashyantare 2025. Iki kigo kemeza ko nyuma yo gutangaza iyi raporo, ba mukerarugendo berekeza muri Leta...

Ku wa gatatu tariki ya 5 Werurwe 2025 Minisitiri w’Ikoranabuhanga n’Ubwikorezi w’u Budage Dr Volker Wissing yasuye iseta (stand) y’abahagarariye u Rwanda mu Imurikabikorwa Ngarukamwaka ry’Ubukerarugendo ry’i Berlin mu Budage. Iri murikabikorwa rizwi nka ITB (Internationale Tourismus – Börse, uyu mwaka ryahuje ibihugu birenga 60 byo hirya no hino ku isi. Ubwo yasuraga ibikorwa by’ubukerarugendo by’u Rwanda bibumbatiwe muri gahunda ya Sura u Rwanda (Visit Rwanda), Minisitiri Volker Wissing yatangaje ko u Rwanda ari igihugu abantu bakwiriye gusura. Ati “Ni igihugu kiza gifite abaturage beza kandi ikirere cyaho giteye amabengeza. Nabagira inama yo kuzajya kuhasura”. Dr Volker Wissing yongeyeho ko mu Rwanda hari ibikorwaremezo bihamye kandi ubukungu bw’iki gihugu bukaba buhagaze neza. ...

Mu Bufaransa, Ihuriro Rigamije Kurengera Inyoni ku bufatanye n’Ikigo cy’Ikihugu Kibungabunga Urusobe rw’Ibinyabuzima bamaze gufata umwanzuro wo kubuza abantu gukata ibiti byo ku nzitiro z’ibipangu by’amazu yabo. Iryo tegeko, nk’uko bigaragazwa na LPO (Ligue pour la Protection des Oiseaux) na OFB (Office Français de la Biodiversité) rizubahirizwa kuva ku itariki 16 Werurwe kugeza ku ya 15 Kanama 2025. Nk’uko bitangazwa n’ikinyamakuru Mon Jardin, Ma Maison, aya mabwiriza yo kuraza amashami n’amababi b’ibiti bikikije ingo yashyizweho mu rwego rwo kurengera amoko atandukanye y’inyoni kuko yari ari mu kaga gakomeye gaterwa n’uko zari zisigaye zibura aho zitura. Ibyari byazo bysenywaga n’abakora isuku mu busitani. Abafashe uyu mwanzuro bafite ikizere ko nyuma y’amezi atanu, ibintu biza...

Ahantu henshi cyane cyane mu bihugu byo ku mugabane w’u Bulayi bafata ikinyogote nk’inyamaswa itanga umugisha n’amahirwe. Mu mico imwe n’imwe abantu bizera ko iyi nyamaswa yifitemo umugisha ndetse ikawugeza no ku bantu. Hari bavuga ko iyo ugize amahirwe ukabona ikinyogote uhita ubona amahirwe ndetse ukagira n’amafaranga utari witeze. Muri Seribiya bemera ko guhura n’ikinyogote mu nzira ari igisobanuro cy’umugisha w’uwo  munsi. Mu gihugu cy’u Bufaransa bafata ikinyogote nk’akanyamaswa k’ishaba n’uburumbuke. Iyo ikinyogote kigaragaye mu murima biba bisobanuye ko umusaruro w’imyaka ihinzemo uzaba mwinshi. Mu Misiri bagereranya ikinyogote n’ikimenyetso k’imana y’izuba (Ra) irinda roho z’abantu bapfuye bagakomeza kuruhukira mu mahoro. Ubwo bubasha bw’ikinyogote ni bwo butuma hari abaf...

Mu gihe byari bimenyerewe ko ingagi y’ingabo iyobora umuryango runaka ari yo itegeka izindi, muri Repubulika ya Santarafurika ingagi zibanza kujya inama ndetse rimwe na rimwe zigakora amatora mbere yo gufata umwanzuro runaka. Abagize itsinda ry’abashakashatsi bo muri kaminuza ya Neuchâtel mu Busuwisi batunguwe no kubona ingagi zo muri Repubulika ya Santarafurika zikora inama zikemeza uko zigomba kwitwara mbere yo gufata urugendo. Muri izo nama, ingagi zizamura amajwi mu rwego rwo kwerekana inzira zigomba kwerekezamo mu ngendo zazo hanyuma ibyemejwe n’ingagi nyinshi kurusha izindi muri zo bikaba ari byo byubahirizwa. Urusaku rw’izo ngagi ni rwo rugaragaza umwanzuro wifuzwa. Muri icyo gikorwa gifatwa nk’amatora, ingagi z’ingore na zo zigira uburenganzira bwo kugaragaza ikifuzo cyaz...

Ikigo cyo muri Leta Zunze Ubumwe z’Amerika gishinzwe kwita ku binyabuzima byo mu mazi no mu kirere (NOAA) kimaze gutangaza ko cyashyizeho igihembo kingana n’amadolari y’Amerika 20,000 ku muntu uzatanga amakuru ku muntu uherutse kwica inyamaswa yo mu nyanja yitwa otarie mu rurimi rw’Igifaransa cyangwa sea lion mu Cyongereza. Ikinyamakuru Losa Angeles Times cyandika ko iyi ‘ntare yo mu nyanja’ yarasiwe ku nkengero z’amazi ahitwa Bolsa Chika muri Leta ya Californie. Umugenzi witambukiraga yabonye iyo nyamaswa yakomeretse ahita ajya gutabaza abashinzwe umutekano hafi y’inyanja. Igikomere k’isasu iyi nyamaswa yarashwe mu mugongo cyari cyayizahaje cyane ku buryo itashoboraga guhumeka. Hiyambajwe inzobere mu buvuzi bw’inyamaswa ngo barebe uko bakiza ubuzima bwayo ariko biranga biba iby’...

Ubuyobozi bw’Urwego rw’Igihugu rw’Iterambere RDB bwamaze gutangaza ko umuhango ngarukamwaka wo Kwita Izina wari uteganyijwe ku itariki ya 18 Ukwakira 2024 usubitswe. Mu itangazo RDB yasohoye ku itariki ya 8 Ukwakira 2024 baravuga ko icyo gikorwa gisubitswe ariko nta mpamvu isobanurwa. Gusa bongeraho ko ibyo birori bizaba mu minsi iri imbere. Si uwo muhango nyirizina wo Kwita izina wigijweyo kuko n’inama irebana n’ishoramari mu kubungabunga ibidukikije (Business of Conservation Conference) na yo yari kuzabera mu Rwanda yakuweho. N’ubwo nta mpamvu igaragazwa ku isubikwa ry’ibi bikorwa bikomeye, hari bamwe basanga icyorezo cy’indwara iterwa na Virusi ya Marburg ari yo ntandaro kuko hari hitezwe kuzaza abantu b’ibikomerezwa baturutse mu mpande zose z’isi ariko batinya gushyira...