Ibyiza nyaburanga – Page 2

Oct102024 by MUKERARUGENDO AdminNo Comments

Umuhango wo Kwita Izina ntukibaye; icyorezo cya virusi ya Marburg kirakekwa nk’impamvu

Ubuyobozi bw’Urwego rw’Igihugu rw’Iterambere RDB bwamaze gutangaza ko umuhango ngarukamwaka wo Kwita Izina wari uteganyijwe ku itariki ya 18 Ukwakira 2024 usubitswe. Mu itangazo RDB yasohoye ku itariki ya 8 Ukwakira 2024 baravuga ko icyo gikorwa gisubitswe ariko nta mpamvu isobanurwa. Gusa bongeraho ko ibyo birori bizaba mu minsi iri imbere. Si uwo muhango nyirizina wo Kwita izina wigijweyo kuko n’inama irebana n’ishoramari mu kubungabunga ibidukikije (Business of Conservation Conference) na yo yari kuzabera mu Rwanda yakuweho. N’ubwo nta mpamvu igaragazwa ku isubikwa ry’ibi bikorwa bikomeye, hari bamwe basanga icyorezo cy’indwara iterwa na Virusi ya Marburg ari yo ntandaro kuko hari hitezwe kuzaza abantu b’ibikomerezwa baturutse mu mpande zose z’isi ariko batinya gushyira...

Oct72024 by MUKERARUGENDO AdminNo Comments

Ingagi 20 zigiye kwitwa amazina

Ibyiza nyaburanga

Ku itariki ya 18 Ukwakira 2024 mu Kinigi mu karere ka Musanze mu Ntara y’Amajyaruguru hateganyijwe umuhango ngarukamwaka wo kwita amazina abana b’ingagi. Ubuyobozi bw’Urwego rw’Igihugu rw’Iterambere mu Rwanda RDB buvuga ko abana 20 b’ingagi ari bo bazahabwa amazina muri uwo muhango. Nk’uko bisanzwe bigenda, abantu b’ibyamamare baratumiwe kugira ngo bazite amazina. Umwaka ushize mu bantu batanze amazina ku bana b’ingagi harimo umukinnyi wa sinema Idrissa Akuna Elba wari uherekejwe n’umugore we Sabrina Dhrowe Elba usanzwe ari umunyamideri. Uyu muhango wo Kwita Izina ugiye kuba mu gihe hashize iminsi mike Ishami ry’Ubukerarugendo mu Rwego rw’Igihugu rw’Iterambere RDB rihawe umuyobozi mushya ari we Irène Murerwa wasimbuye Michaella Rugwizangoga. Hari benshi mu bakurikiranir...

Sep42024 by MUKERARUGENDO AdminNo Comments

Impundu na zo zifashisha ibimera nk’umuti iyo zirwaye

Ayandi, Ibyiza nyaburanga

Abashakashatsi bo muri Kaminuza ya Oxford mu Bwongereza bamaze gutangaza ko inyamaswa z’inyamabere zitwa impundu zitabaza bimwe mu bimera mu rwego rwo kwivura mu gihe zakomeretse cyangwa zifite ubundi burwayi. Izi nzobere mu bumenyi bw’ibinyabuzima ziyobowe na Elodie Freymann zemeje ko, nk’uko bimeze ku kiremwa muntu, inyamabere z’impundu na zo zizi ibiti cyangwa ibyatsi byifitemo ubushobozi bwo kuvura. Ubushakashatsi bwakorewe ku mpundu zo mu ishyamba rya Pariki ya Budongo muri Uganda bwagaragaje ko iyo impundu zirwaye cyangwa zifite ibikomere ku mubiri ziyambaza ibiribwa byihariye bikomoka ku bimera bikazifasha koroherwa no gukira burundu. Ibishishwa by’ibiti cyangwa by’imbuto ni bimwe mu byifashishwa nk’umuti n’izo nyamaswa. Nyuma yo gusuzuma muri laboratwari ibyatsi n’ib...

Jun32024 by MUKERARUGENDO AdminNo Comments

Mukerarugendo atandukaniye he n’umugenzi usanzwe?

Dusohokere he?, Ibyiza nyaburanga

Hari benshi bakeka ko Mukerarugendo ari umuntu ugeze mu gace aka n’aka bwa mbere ahetse ibikapu biremereye agenda afata amafoto, biboneka ko aho hantu ageze atari ahazi. Nyamara ibi byonyine ntibihagije ngo umuntu yitwe mukerarugendo ukwiriye iryo zina. Umuryango Mpuzamahanga w’Ubukerarugendo (World Tourism Organization) usobanura Mukerarugendo nk’umuntu uwo ari we wese uhagarika ibyo yari asanzwe akora mu buzima bwa buri munsi akava aho yari ari akajya ahandi mu gihe kitari hasi y’amasaha 24 kandi kitarengeje umwaka.Abaagamije kwirangaza cyangwa se gukora ibitandukanye n’ibyo ahoramo. Mu minsi yashize hari abantu bakekaga ko ba Mukerarugendo bagomba kuba ari abanyamahanga baturutse mu bihugu byo hanze, ndetse nta washidikanya ko na n’ubu hari Abanyarwanda bagifite imyumvire nk’i...

Jun22024 by MUKERARUGENDO AdminNo Comments

Amashami y’ingenzi agize hoteli

Dusohokere he?, Ibyiza nyaburanga

Inzobere mu bijyanye n’ubukerarugendo David W. Howell igaragaza inzego nibura esheshatu zigomba kugaragara muri hoteli iyo ari yo yose. Ubuyobozi (administration): Buri hotel igomba kugira umuyobozi (Manager), umwungirije (assistant manager), abacungamari, abashinzwe abakozi n’abashakisha amasoko. Abakira abashyitsi (Front Office): Abagize iki kiciro ni bo abaclients bahita bahitiraho iyo baje muri hotel bakabafasha mu byerekeranye no kubaha ibyumba kubafasha imizigo bazanye no kubaha amakuru anyuranye yerekeranye na hoteli. Abakora isuku (Housekeeping): Uruhare rw’aba bantu ni runini kuko batuma hotel, ibyumba byayo n’ahandi hantu hafite aho hahuriye na yo hahorana isuku. Abashinzwe ibiribwa n’ibinyobwa (Food and Beverages): Kubera ko ibyo kurya n’ibyo kunywa ari inkingi y...

Jun22024 by MUKERARUGENDO AdminNo Comments

Inyoni ziri mu bikerereza ba Mukerarugendo basura u Rwanda

Ibyiza nyaburanga

Ikigo cy’Igihugu gishinzwe iterambere (RDB) kiravuga ko muri iki gihe ubukerarugendo bushingiye ku nyoni busigaye butuma ba mukerarugendo basura ibyiza bitatse u Rwanda bagatinda kuhava. Kugeza ubu mu Rwanda habarurwa amoko y’inyoni agera kuri 700.By’umwihariko muri pariki y’Akagera habarizwa amoko 525 harimo ane yihariye, muri Pariki ya Nyungwe harimo asaga arimo 27. Ngoga Telesphore ukora mu Ishami ryo kubungabunga ibinyabuzima byo mu gasozi muri RDB, yavuze ko ubukerarugendo bushingiye ku nyoni bwitabirwa ahanini n’abanyamahanga biganjemo abakunda kureba inyoni, baza bashaka kumenya amoko yazo anyuranye, ndetse ngo hari n’abaza bafite urutonde rwazo babwiwe. Avuga ko gusura inyoni bitandukanye no gusura izindi nyamaswa kuko bisaba kubikunda no kwiha igihe, ibintu bituma ba...

May62024 by MUKERARUGENDO AdminNo Comments

Wari uzi ko imvubu igira amahane kurusha intare?

Ibyiza nyaburanga

Imvubu ni inyamaswa y’inyamabere iba mu biyaga no mu nzuzi. Iyi nyamaswa igira amahane atangaje ku buryo ubukana bwayo busumba ubw’izindi nyamabere zirimo n’intare. Mu bikorwa byakwitwa iby’urugomo by’imvubu harimo kona imyaka ihinze hafi y’ibyanya byayo nko mu bishanga no mu bibaya. Gusa ubukana bwayo ntibugarukira ku kwangiza no kurya ibihingwa gusa, kuko n’abantu ntabwo ibarebera izuba cyane cyane iyo yarakaye. Buri mwaka imibare igaragaza ko abantu bicwa n’imvubu buri mwaka ku isi yose baruta abicwa n’intare. Ibi bisobanuye ko imvubu ari izo kwitonderwa. N’ubwo ari indyabyatsi ariko zirya n’inyama. Imvubu ntitinya gusatira umuntu no kumwirukankana mu gihe ishaka ko yamubera umuhigo. N’ubwo igaragara nk’inyamaswa iremereye kubera imiterere yayo, ishobora kunyaruka ku...

Mar142024 by MUKERARUGENDO AdminNo Comments

Nyarutarama Sports Trust Club, igisubizo ku bifuza gukina, kuruhuka no kwidagadura

Dusohokere he?, Ibyiza nyaburanga

Nyuma y’imyaka 20 kimaze gishinzwe, ikigo cya Nyarutarama Sports Trust Club giherereye i Nyarutarama gikomeje gutanga umusanzu mu guteza imbere siporo n’imyidagaduro binyuze mu bikorwa bitandukanye bihabera. Mukerarugendo yongeye kuhatemberera kugira ngo na yo ihatembereze abasomyi bacu. Muri Nyarutarama Sports Trust Club habera imikino itandukanye ari yo Tennis, ingororangingo (gym), aerobics ikinwa iherekejwe na muzika, koga (swimming) na Tennis ikinirwa ku meza (table tennis /tennis de table). Hari kandi serivisi ya sauna na massage bifasha abantu gutandukana n’amavunane. Umuyobozi wa Nyarutarama Sports Trust Club Patrick Rugema avuga ko mu gihe cya vuba bateganya kuzana indi mikino mishya mu rwego rwo kurushaho kongera amahitamo y’abasura iki kigo. Ati “Mu minsi iri mbere tuz...

Feb292024 by MUKERARUGENDO AdminNo Comments

Inama 5 zifasha ba mukerarugendo kwitegereza inyamaswa

Ibyiza nyaburanga

Kureba inyamaswa ntabwo byorohera ba mukerarugendo bajya kuzisura. Kugira ngo umenye aho inyamaswa ziherereye, ushobore kuzegera ntiziguhunge bisaba ubwitonzi. Hari inama eshanu zishobora kubigufashamo. Guceceka no kwihisha Ikintu k’ibanze gisabwa abashaka kureba inyamaswa ni uguceceka. Ikindi ugomba kwitwararrika ni ukugenda buhoro ureba aho ukandagiza ibirenge kugira ngo amababi yumye y’ibiti adateza urusaku. Kuri ibi hiyongeraho no kwirinda kwitera imibavu ishobora guhumurira inyamaswa bikaba byatuma zikwikanga. Kwisanisha n’ibiti n’ibyatsi Si ngombwa kwambara imyenda y’amabara ashitura kuko ayo mabara yatuma inyamaswa wifuza kureba zikubona ukiri kure zigahunga. Ni byiza kwambara imyenda ifite amabara ya kaki, icyatsi kibisi cyangwa imyenda isa n’ibiti n’ibyatsi biri ...

Feb22024 by MUKERARUGENDO AdminNo Comments

Anantara, kamwe mu duce dukurura ba Mukerarugendo mu birwa bya Maurice

Dusohokere he?, Ibyiza nyaburanga

Ibirwa bya Maurice ni kimwe mu bihugu by’Afurika bifite ubukerarugendo bwateye imbere biturutse ku bwiza karemano. Agace kitwa Anantara ni kamwe mu dusurwa cyane. Anantara iherereye mu majyepfo y’uburasirazuba bwa Maurice ikagira ahantu nyaburanga henshi kandi heza. Ahitwa Anantara Iko ho harahebuje kuko hatunganyijwe by’umwihariko mu rwego rwo gukora ikinyuranyo. Iyo wasohokeye aho hantu nta kindi kintu uba ushobora kubona usibye urusobe rw’ibinyabuzima bigizwe n’ibimera, amazi n’utunyamaswa. Ushobora gukora urugendo rw’ibilometero utarabona andi mazu atuwemo n’abaturage. Serivisi z’ubukerarugendo ushobora kubona muri Anantara Iko igihe wahasohokeye ni ibintu biranga umuco w’icyo gihugu, koga mu mazi y’urubogobogo, amafunguro ya gakondo n’aya kizungu ndetse n’imikino y’u...