Imikino

Seminari Ntoya y’i Butare iherereye mu Karere ka Huye mu Ntara y’Amajyepfo. Iri shuri rifite akabyiniriro k’Isonga y’Ayisumbuye kubera imyitwarire myiza mu nzego zitandukanye nk’ikinyabupfura, kugira abanyeshuri b’abahanga, ubuyobozi bufite indangagaciro nziza, abarimu b’intangarugero, ubuhangange muri muzika no mu mikino. Abazi neza amateka y’iri shuri ryubatse ku musozi wa Karubanda hafi ya gereza, bemeza ko iri zina ry’igisingizo ryazanywe n’umwe mu barimu bahigishije amasomo y’indimi yitwaga Frodouard Sentama wakomokaga mu muryango w’abasizi na we ubwe akaba yari umusizi, waje guhitanwa na jenoside yakorewe abatutsi mu mwaka wa 1994. By’umwihariko, ikipe ya Seminari Ntoya Virgo Fidelis yari ihagaze neza mu mikino haba mu ngororamubiri, umupira w’amaguru, basketball ariko cyane cyane vo...

Inkundura yo kwirukana abatoza irakomeje mu makipe yo muri shampiyona y’ikiciro cya mbere mu Rwanda. Ku wa gatandatu tariki tariki 28 Ukwakira 2023 ubuyobozi bw’ikipe ya Etoile de l’Est yo mu Ntara y’i Burasirazuba bwatangaje ko bwatandukanye n’abari abatoza bayo, umutoza mukuru n’umutoza wungirije. Maurice Nshimiyimana uzwi nka Maso wari umutoza mukuru na Karim Habimana bavuye muri Etoile de l’Est nyuma y’umukino batsinzwemo na Kiyovu Sport ibitego 6 kuri kuri 1 ku wa gatanu tariki ya 27 Ukwakira 2023 kuri Stade yitiriwe Pélé i Nyamirambo mu mukino w’umunsi wa 9 wa shampiyona. Ibi byatumye iyi kipe ikomeza kumanuka ku rutonde rw’gateganyo, aho iri ku mwanya wa 14 n’amanota 7. Abayobozi ba Etoile de l’Est bemeza ko umwanzuro wo gutandukana n’abatoza bayo wavuye mu biganiro byabay...

Nyuma y’uko komisiyo y’amatora mu Ishyirahamwe ry’Umukino wo Gusiganwa ku Magare mu Rwanda FERWACY yongeye gutangaza abakandida bazahatana mu matora yo kuzuza inzego, bamwe mu bakurikiranira hafi uyu mukino bakomeje kwibaza ku kerekezo cy’uyu mukino. Ku mwanya wa Perezida w’iri shyirahamwe haragaragara Samson Ndayishimiye akaba ari umukandida umwe rukumbi. Uyu mugabo aje aturuka mu ikipe ya Kigali Cycling Club. Azwi cyane mu mukino wo koga ari na ho hari abantu bashidikanya ku bushobozi bwe bwo gusubiza umukino w’amagare ku rwego yahoranye mu gihe yaramuka atowe. No kuba hakomeje kugaragara umukandida umwe kuri uyu mwanya kandi na bwo akaboneka hamana ni ikindi kimenyetso cy’uko kuyobora ishyirahamwe riremereye nka FERWACY atari ikintu cyo kwisukirwa na buri wese. Mu minsi is...

Torsten Frank Spittler Umudage w’imyaka 61 ni we wahawe akazi ko kuba umutoza mushya w’ikipe y’igihugu y’u Rwanda y’umupira w’amaguru Amavubi. Aje asimbura Umunyaespanye Carlos Ferrer wasezeye mu kwezi kwa Kanama 2023. Mu nshingano zimutegereje harimo kuyobora Amavubi y’u Rwanda mu rugamba rw’amajonjora yo gushakisha itike yo kuzajya mu gikombe k’isi mu mwaka wa 2026. Mu mateka ye nk’umutoza, Frank Spittler yagiye yibanda ku gutoza amakipe y’abana hirya no hino ku isi. Biteganyijwe ko mu cyumweru gitaha ari bwo uyu mutoza azerekanwa ku mugaragaro ari na bwo azaba yitegura gushyira ahagaragara abakinnyi azifashisha mu mukino uzahuza u Rwanda na Zimbabwe ku itariki 15 Ugushyingo 2023 kuri Stade Huye i Butare mu mukino w’ikubitiro wo gushaka itike y’igikombe k’isi. Jean Claude MU...

Ku wa mbere tariki 23 Ukwakira 2023 habaye tombola yari igamije gushyira amakipe mu matsinda y’intera ya kabiri y’irushanwa rya Basketball Africa League 2024. Amakipe azaseruka ni 16 akaba ari mu byerekezo bibiri; ikerekezo k’iburasirazuba (East Division) n’ikerekezo k’iburengerazuba (West Division). Buri kerekezo kigizwe n’amakipe 8 agabanyije mu matsinda abiri abiri. Tombola yagaragaje ko amakipe azaba agabanyije mu matsinda ku buryo bukurikira: Ikerekezo k’iburasirazuba (East Division): Itsinda A: Cape Town Tigers (Afurika y’Epfo) NBA Academy (Senegali) Pazi Basketball Club (Tanzaniya) Ikipe izatumirwa (Wild Card) Itsinda B: Ferroviario da Beira (Mozambike) City Oilers (Uganda) COSPN (Madagasikari) JBC (Zimbabwe) Ikerekezo k’ibureng...

Muhire Hassan wari umutoza mukuru wa Sunrise FC, nyuma yo kwirukanwa n’iyi kipe, yagaragaje ko icyo azize ari amahirwe make, kuko iyi kipe yatozaga yagiye itsindwa mu buryo bw’amaherere. Ku mugoroba wo ku wa mbere tariki ya 23 Ukwakira 2023, ubuyobozi bw’ikipe ya Sunrise FC bubinyujije ku mbuga nkoranyambaga, bwatangaje ko bwatandukanye n’umutoza Hassan Muhire ku bwumvikane bw’impande zombi. Uku gutandukana kuje nyuma yuko mu mpera z’icyumweru gishize iyi kipe yari yanyagiwe na Rayon Sports ibitego 3-0, ndetse na mbere yaho gato ikaba yari yatakaje umukino yari yakiriyemo Etincelles FC aho yatsinzwe igitego 1-0. Kuva yagera muri Sunrise FC, yakinnye imikino irindwi ya shampiyona aho yatsinze ibiri atsindwa itanu: Police FC 2-0 Sunrise FC Sunrise 1-0 Etoile Musanze F...

Mu irushanwa rya Basketball Africa League 2024, urugendo rwerekeza mu kiciro kibanziriza amatsinda (conferences) rurakomeje. Ku makipe agomba guseruka muri icyo kiciro cya Elite 16, cumi n’abiri yamaze kumenyekana. Ku ikubitiro hari amakipe 6 yatambukijwe atagombye kunyura mu majonjora y’ibanze kuko yitwaye neza mu irushanwa rya BAL ry’umwaka wa 2023. Ayo ni Cape Town Tigers yo muri Afurika y’Epfo, Ferroviario da Beira yo muri Mozambike na City Oilers yo muri Uganda. Aya makipe uko ari atatu aherereye mu kerekezo k’i Burasirazuba.  Kuri aya makipe atatu hiyongeraho andi atatu abarizwa mu kerekezo k’i Burengerazuba ari yo ABC Fighters yo muri Kote Divuwari, Stade Malien yo muri Mali na Seydou Legacy Athletic Club yo muri Guineya. Usibye aya makipe 6 yasonewe amajonjora y’ibanze, h...

Urugamba rwo gushakisha itike yo kwitabira irushanwa rya Basketball Africa League rurakomeje. Ikipe ya Club Omnisport de la Police Nationale (COSPN) yo muri Madagasikari imaze gukatisha itike yo kwerekeza mu kiciro gihuza amakipe 16 y’intyoza. Mu mikino yo mu itsinda rya 5 mu majonjora y’ibanze y’iri rushanwa rya BAL, COSPN yatsinze andi makipe bari bahanganye ari yo Beau Vallon Heat yo mu birwa bya Seychelles na Ushindzi Club yo mu birwa bya Comores. Ikipe ya Roche Bois Warriors yo mu birwa bya Maurice na yo yari itegerejwe muri iyi mikino yaberaga mu nzu y’imikino ya Mahamasina mu mujyi wa Antananarivo muri Madagasikari, ariko byarangiye itewe mpaga kuko itigeze ihagera. Umukino wahesheje ikipe ya COSPN urupapuro rw’inzira ruzayerekeza i Johanesbourg muri Afurika y’Epfo mu kici...

Nyuma y’amezi hafi atatu umukinnyi w’igihangange mu mupira w’amaguru Lionel Messi atangiye gukinira ikipe ya Inter Miami yo muri Leta Zunze Ubumwe z’Amerika, amaze kuzana impinduka muri shampiyona y’ikiciro cya mbere muri iki gihugu. Arifuza ko Luca Modric yaza bagakinana mu ikipe imwe. N’ubwo ikipe ya Inter Miami ahagaze ku mwanya udashamaje ku rutonde rw’agateganyo rwa shampiyona ku makipe yo mu kerekezo k’iburasirazuba, Lionel Messi ayifatiye runini, ku buryo  hari bamwe batangiye kumufata nk’umucunguzi wo ku rwego rwa ya mvugo ngo “waturekura twagwa”. Mu mikino 12 amaze gukina mu marushanwa yose hamwe akomatanyije, Messi amaze gutsindira ikipe ye nshya ibitego 11 anatanga imipira 5 yavuyemo ibitego. Ikirenze kurushaho, ni uko Messi yafashije ikipe ye kwegukana igikombe cya...